വര്‍ക്കിയും ഭാര്യ വത്സമ്മയും രണ്ട്‌ മക്കളുമാണ്‌ ഇവിടെ താമസിക്കുന്നത്‌. പ്രായത്തിന്റെ അവശതകള്‍ മൂലം വര്‍ക്കിക്ക്‌ തൊഴിലെടുക്കാനാവില്ല. മകന്‍ തമ്പി തിരുപ്പൂരിലാണ്‌. വത്സമ്മ കൂലിപ്പണിയെടുത്ത്‌ കിട്ടുന്ന തുച്ഛമായ വരുമാനം കൊണ്ടാണ്‌ ഇവരുടെ ജീവിതം മുമ്പോട്ട്‌ പോകുന്നത്‌. ഏകദേശം ഒരു തക്ഷത്തോളം രൂപയുടെ നഷ്‌ടമാണ്‌ ഈ കുടുംബത്തിനുണ്ടായിരിക്കുന്നത്‌. പുതുതായി പണി കഴിപ്പിച്ച വീട്ടില്‍ മൂന്നുമാസം പോലും തികച്ച്‌ താമസിക്കാന്‍ ഈ കുടുംബത്തിനായിട്ടില്ല. നീണ്ട നാളുകള്‍ക്കൊടുവില്‍ സ്വപ്‌നം യാഥാര്‍ത്ഥ്യമായെങ്കിലും പ്രകൃതിയുടെ സംഹാരതാണ്‌ഡവത്തില്‍ സര്‍വ്വതും നഷ്‌ടപ്പെട്ട്‌ കയറികിടക്കാനിടമില്ലാതായ ഈ കുടുംബമിപ്പോള്‍ സര്‍ക്കാരിന്റെ കനിവിനായി കാത്തിരിക്കുകയാണ്‌.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ