വണ്ണപ്പുറം: പടിക്കകത്തിനു സമീപം കോട്ടപ്പാറ മലയില് നിന്നും കൂറ്റന്പാറ അടര്ന്നു വീണ് ഏക്കറുകണക്കിന് കൃഷിയിടം നശിച്ചു. വ്യാഴാഴ്ച വൈകിട്ട് ഏഴുമണിയോടെയാണ് സംഭവം. കൂറ്റന്പാറ അടര്ന്ന് പല ഭാഗങ്ങളായി ചിന്നി ചിതറി മുണ്ടന്മുടി ഭാഗത്തേക്ക് പതിക്കുകയായിരുന്നു. രണ്ടു കിലോമീറ്ററോളം ദൂരത്തില് വലിയ പാറകഷണങ്ങള് കൃഷിയിടങ്ങളില് പതിച്ചു. തലനാരിഴയ്ക്കാണ് ആളുകള് വന് ദുരന്തത്തില് നിന്നും രക്ഷപ്പെട്ടത്. ഈ മേഖലയിലെ നിരവധിയാളുകളുടെ റബര്മരങ്ങള്, തെങ്ങ്, കമുക്, കൊക്കോ, വാഴ തുടങ്ങിയവ പാറ വീണ് നശിച്ചു. മുളക്കശ്ശേരില് ജോസുകുട്ടിയുടെ 250 ഓളം റബര് മരങ്ങളും തെങ്ങ് കമുക്, കൊക്കോ എന്നിവയ്ക്കും നാശനഷ്ടം സംഭവിച്ചു. വലിയപറമ്പില് തങ്കച്ചന്, മുളക്കശ്ശേരില് ഷാജി, മുളക്കശേരില് വത്സമ്മ, പ്ലാക്കല് ജോസ് എന്നിവരുടെ കൃഷിദേഹണ്ഡങ്ങളും നശിച്ചു. ഏക്കറുകണക്കിന് കൃഷിദേഹണ്ഡങ്ങളാണ് ഈ മേഖലയില്പാറ വീണ് നശിച്ചിരിക്കുന്നത്. വണ്ണപ്പുറം ഗ്രാമപഞ്ചായത്ത് പ്രസിഡന്റ് കെ.പി വര്ഗീസ്, ജില്ലാ പഞ്ചായത്ത് വൈസ് പ്രസിഡന്റ് ഇന്ദു സുധാകരന്, ബ്ലോക്ക് പഞ്ചായത്ത് അംഗം റ്റി.എസ് സിദ്ധാര്ത്ഥന്, വില്ലേജ് കൃഷി ഓഫീസര്മാര് തുടങ്ങിയവര് സ്ഥലം സന്ദര്ശിച്ചു. 50 ലക്ഷത്തോളം രൂപയുടെ നാശനഷ്ടം സംഭവിച്ചതായി ഗ്രാമപഞ്ചായത്ത് പ്രസിഡന്റ് കെ.പി വര്ഗീസ് അറിയിച്ചു.
idukkiyude prakrithi durantha vaarthakaliloode..
മറുപടിഇല്ലാതാക്കൂമഴക്കാലം ഇടുക്കിയ്ക്ക് ദുരിതകാലമാണല്ലേ?
മറുപടിഇല്ലാതാക്കൂ